18 авг 13:33
Янгиликлар

Бокс/ММА

Жамшид Нажмиддинов АҚШда машғулотларни бошлади

Профессионал боксчимиз Жамшид Нажмиддинов АҚШга етиб борди ва машғулотларни бошлаб юборди.

Андижонлик чарм қўлқоп устамизнинг бизга хабар беришича, унинг АҚШ ҳудудидаги илк жанги 24 сентябрь куни Техас штатида бўлиб ўтади. Шу кунларда жанг расман тасдиқланади ва Нажмиддиновнинг бўлажак рақиби эълон қилинади.

Эслатиб ўтамиз, тажрибали боксчимиз 11 июнь куни Тошкентда Шоҳжаҳон Эргашев томонидан ташкил этилган профессионал бокс кечасида грузиялик Мераб Туркадзени бешинчи раундда техник нокаутга учратган эди.