15 ноя 09:12
Янгиликлар

Бокс/ММА

Жанг UFC чемпионлигини Хитойда ҳимоя қилмоқчи

Вейли Жанг навбатдаги жангини ўз юртида ўтказмоқчи.

Аёллар ўртасида минимал вазн тоифасида UFC чемпиони Вейли Жанг Хитойда чемпионлик камарини ҳимоя қилиш истаги борлигини айтди.

"Умид қиламанки, келаси йили Хитойда чемпионлик камаримни ҳимоя қила оламан. Дунёда миллиардлаб хитойлик аралаш яккакураш мухлислари бор ва улар айнан Хитойда бўлиб ўтадиган катта UFC тадбирини кутишмоқда", — деди Жанг.

Эслатиб ўтамиз, Вейли Жанг 13 ноябрь куни Нью-Йоркда бўлиб ўтган UFC 281 мусобақасида Карла Эспарза устидан ғалаба қозониб, чемпионликни қўлга киритган эди.