14 июн 16:28
Янгиликлар

Бокс/ММА

"Жангчилар тайёргарлик кўрмоқда!" — Усик собиқ Bellator чемпиони билан спарринг ўтказди + ФОТО

Супероғир вазн тоифасида асосий учта чемпионлик камари соҳиби бўлиб турган Александр Усик навбатдаги жангига тайёргарликни давом эттирмоқда.

Мағлубият нималигини билмай келаётган украиналик 38 ёшли чемпион 20 июль куни Лондон шаҳридаги муҳташам "Уэмбли" стадионида амалдаги IBF чемпиони, британиялик Даниэль Дюбуага қарши реванш жангида рингга кўтарилади. Боксчиларнинг илк жангида Усик ғалаба қозонганди.

Украиналик боксчи машғулотларида яримўрта вазн тоифасида собиқ Bellator чемпиони, ватандоши Ярослав Амосов биргаликда спарринг ўтказди.

"Жангчилар тайёргарлик кўрмоқда!" — дея ўзининг ижтимоий тармоқдаги саҳифасига сурат қўйиб, унинг остида изоҳ ёзиб қолдирган Усик.