16 окт 11:43
Янгиликлар

Бокс/ММА

Жангига икки ҳафта қолган Маҳмуд Мурадов Польшадаги машғулотларни якунлади + ФОТО

UFC промоушенидаги илк жангчимиз Маҳмуд Мурадов Польшада ўтказган ўқув-машғулот йиғинини якунлаб, Чехияга қайтди.

Ҳамюртимиз 30 октябрь куни АҚШнинг Невада штати Лас-Вегас шаҳрида польшалик Криштоф Жоткога қарши октагонга кўтарилади. Кучли спаррингларга йўналтирилган машғулотларнинг бевосита рақиб давлатида ўтказилгани эътиборга молик.

"Азиз дўстлар, Польшадаги машғулотимни якунладим. Бу йиғинда асосий эътибор кучли спарринг жангларга қаратилди. Менда ҳаммаси жойида. Ўзимни ҳар қачонгидан ҳам кучли ҳис қилаяпман. Насиб қилса, 30 октябрь куни чиройли ғалабам билан барчангизни хушнуд этаман", - дейди Мурадов.