Жасмин дунёнинг иккинчи ракеткасини мухлислар қаторига кузатиб қўйди

WTA рейтингида 9-ўринни эгаллаб турган италиялик Жасмин Паолини 1/4 финалда дунёнинг иккинчи ракеткаси америкалик Коко Гоффни уч сет натижасига кўра мағлубиятга учратди - 2/6, 6/4, 6/3. Бу билан Жасмин теннисчиларнинг ўзаро учрашувлари ҳисобида олдинга чиқиб олди - 3:2. 

Икки соату уч дақиқа давом этган баҳсда иккала теннисчи ҳам 7 тадан брейкдан фойдаланган. Қўшхатолар Гоффда керагидан ҳам ортиқча бўлди - 16 га 2. Паолини фаолиятида тўртинчи бор WTA 1000 тоифасига кирувчи турнирларнинг ярим финал иштирокчисига айланди.