21 апр 16:44
Янгиликлар

Спорт курашлари

Жасмина Иммаева - Осиё чемпионати совриндори!

Мўғулистоннинг Улан-Батор шаҳрида спорт курашлари бўйича катталар ўртасидаги Осиё чемпионати давом этмоқда.

Бугун қитъа чемпионатининг учинчи куни аёллар кураши бўйича бешта вазн тоифасида ғолиб ва совриндорлар номи маълум бўлди. Саралаш баҳсларида ҳамюртларимиздан биргина Жасмина Иммаеванинг кечки дастурда бронза медали учун гиламга чиқиши ҳақида хабар берган эдик.

Бироз аввал -50 кг вазнда юртимиз шарафини ҳимоя қилган Жасмина ҳиндистонлик Маниша Манишани 10-0 ҳисобида мағлубиятга учратиб, Осиё чемпионатининг бронза медалини қўлга киритди. Эртага қолган 5 та вазнда курашчи-қизларимиз медаллар учун баҳсларга киришишади.