Жасур Хўжаев Жаҳон чемпиони!

Эркаклар ўртасида F32 тоифасида ядро улоқтириш баҳслари финалида қатнашган ҳамюртимиз Жасур Хўжаев ўз уринишлари давомида 9.96 м масофани бўйсундириб, мавсумдаги энг яхши натижасини қайд этиш билан бирга жамоамиз ҳисобига олтин медални тақдим этди.

Жаҳон чемпионати. Эркаклар ўртасида ядро улоқтириш дастури (F32)

1. Жасур Хўжаев (Ўзбекистон) - 9.96

2. Атанасиос Константинидис (Греция) - 9.65

3. Моҳамед Нажиб (Жазоир) - 9.56

Шунингдек, бугун чиқиш қилган спортчиларимиздан Ёрқинбек Одилов ҳамда Илхом Турғунов F57 тоифасида диск улоқтириш дастури финалига йўл олган бўлса, Фахриддин Хамраев Т12 классида 400 м масофага югуриш беллашувларининг ҳал қилувчи босқич чиптасига эга чиқди.

Ҳозирда ҳисобимиздаги медаллар сони 7 тани ташкил этяпти: 2 та олтин, 4 та кумуш ва 1 та бронза.