15 мар 13:42
Янгиликлар

Таэквондо, Париж-2024

Жасурбек Жайсунов ортиқча қийинчиликсиз Париж-2024 йўлланмасини ҳал қилди!

Хитойнинг Тайян шаҳрида давом этаётган таэквондо WТ бўйича Париж-2024 ёзги Олимпия ўйинлари учун Осиё лицензион турнирида иккинчи спортчимиз ҳам ўз юришини ғалаба билан якунлади.

Мусобақада Ўзбекистон терма жамоаси аъзоси Жасурбек Жайсунов (-80 кг) ўзининг ярим финал жангини ўтказди. Ироқлик Сайф Тоҳир Ҳабибга қарши кечган жангда Жайсунов осонлик ила 2:0 (16:2, 2:0) ҳисобида зафар қучди.

Ушбу ғалаба орқали Жасурбек Париж-2024 ХХХIII ёзги Олимпия ўйинлари учун йўлланмани қўлга киритди.