08 дек 16:42
Янгиликлар
Таэквондо
Жасурбек Жайсунов саралаш чемпиони сифатида "Катта дубулға" асосий турнирига йўлланма олди
Хитойнинг Уси шаҳрида жойлашган "World Taekwondo Center Stadium" мажмуасида таэквондо WТ бўйича катталар ўртасида "Катта дубулға" саралаш мусобақасининг сўнгги, иккинчи кунги баҳслари ҳам ўз якунига етди.
Бугун турнир доирасида Ўзбекистон миллий терма жамоасининг тўрт нафар вакили — Омонжон Отажонов (58 кг), Жасурбек Жайсунов (80 кг), Мавлонбек Тўхтасинбоев (80 кг) ва Гулсанам Алижонова (+67 кг) иштирок этди.
Қувонарлиси, оғир вазн тоифасидаги спортчи, Париж-2024 XXXIII ёзги Олимпия ўйинлари иштирокчиси Жасурбек Жайсунов барча рақибларини енгган ҳолда мусобақа финалига қадар етиб келди. Ҳал қилувчи жангда Жасурбекка Хитой вакили Жао Жунбо рақиблик қилди. Жангда Жасурбек ортиқча қийинчиликсиз 2:0 (8:2, 12:3) ҳисобида зафар қучиб, мусобақа ғолибига айланди.
Шундай қилиб, Жасурбек Жайсунов саралаш чемпиони сифатида "Катта дубулға" асосий турнирига йўлланма қўлга киритди.
Ҳавола :
Манба : olamsport.com
Фикрлар