31 июл 10:53
Янгиликлар

Бокс/ММА

Жавлон Йўлдошев проф боксдаги илк жангини қачон ўтказишини айтди

-67 кг вазн тоифасида ўзбекистонлик ҳаваскор боксчи Жавлон Йўлдошев профессионал боксга ўтмоқда.

2021 йилда Ўзбекистон чемпионлигини қўлга киритган ҳамда бир нечта халқаро мусобақаларда ғолиб бўлган Жавлон Йўлдошев Instagram'даги обуначиларининг "Қачон проф рингда жанг қиласиз?" қабилидаги саволига "Сентябрь ойида, Худо хоҳласа", - дея жавоб қайтарди.

Эслатиб ўтамиз, Жавлон Йўлдошев терма жамоа таркибида сўнгги бор май ойида Хабаровскдаги халқаро мусобақада иштирок этиб, олтин медалга эга чиққан эди. Қайд этиш жоиз, у ўзбекистонлик мухлислар томонидан мазкур вазндаги жаҳон чемпиони Асадхўжа Мўйдинхўжаевга муносиб рақобатчи сифатида кўрилади.