Жавоҳир Расулов шайба киритган ўйинда "Ҳумо" ғалаба қозониб, турнир жадвалида иккинчи ўринга кўтарилиб олди

Тошкентнинг "Ҳумо" хоккей клуби Павлодарнинг "Иртиш" жамоаси меҳмони бўлиб, иккинчи учрашувда ҳам ғалабага эришди. Бу сафар "қанотлилар" мусобақа аутсайдерини йирик 4:0 ҳисобида доғда қолдиришди. 

Эътиборлиси, ўзбекистонлик истеъдодли хоккейчи Жавоҳир Расулов учинчи шайбага муаллифлик қилди. Бу унинг чемпионатдаги илк голи бўлди. Қолган учта гол Вячеслав Литовченко, Дмитрий Савицкий ва Артём Грязнов ҳисобига ёзилди. 

"Ҳумо" 26 учрашувдан кейин 35 очко билан турнир жадвалида 2-ўринга кўтарилиб олди. Пешқадам "Торпедо" ҳисобида 38 очко бор. "Ҳумо" бундан аввалги икки сафар учрашувида айнан карвонбошига овертаймда ўтказиб юборилган гол сабаб ютқазиб қўйганди. Аутсайдер "Иртиш" эса 24-учрашувдаги 21-мағлубиятини қабул қилиб олди. 

Маълумот учун, "Ҳумо" энди навбатдаги тур учрашувларини Тошкентда ўтказади. Жамоамиз 23-24 декабрь кунлари "Humo Arena"да жануб дербисида "Алмати" клубини қабул қилади.

Қозоғистон Мунтазам чемпионати

"Иртиш" - "ҲУМО" 0:4 (0:1, 0:2, 0:1) 

11 декабрь, Уст-Каменогорск, "Б.Александров" номидаги муз саройи

Бош ҳакамлар: Зотов Владислав Вячеславович, Засуха Денис Анатольевич

Чизиқ ҳакамлари: Машенькин Владислав Михайлович, Нурбай Рамазан Рейзаули.

Голлар: 0:1 - Вячеслав Литовченко 1, 0:2 - Дмитрий Саврицкий 38, 0:3 - Жавоҳир Расулов 38, 0:4 - Артём Грязнов 57.

"Иртиш": (50) Вячеслав Нечвиенко, (33) Данияр Билимбаев, (57) Иван Быков, (7) Михаил Данилов, (10) Кирилл Пак, (44) Никита Прохоров, (18) Руслан Саввин, (81) Никита Смелов, (47) Иван Тимофеев, (9) Иван Шкленник (A), (11) Нияз Абдрашитов, (70) Арлан Акпирганов, (77) Никита Белоусов, (14) Иван Гебель, (29) Михаил Гулый, (55) Адам Евлоев, (80) Владислав Жабунин, (12) Филипп Кнауб (A), (13) Гордей Маслов, (90) Максим Томилов, (15) Арслан Ямалов (K).

"ҲУМО": (74) Константин Козловский, (72) Егор Шпак, (3) Эдгарс Сиксна (K), (24) Егор Арбузов, (23) Станислав Боровиков, (55) Егор Зебзеев, (27) Артем Мальцев, (86) Дмитрий Саврицкий, (77) Антон Асташевич, (73) Егор Буяльский, (13) Артем Грязнов, (33) Александр Дербенёв, (87) Василий Жилов, (18) Данила Карабань, (7) Вадим Кравченко, (8) Артур Кузнецов, (51) Вячеслав Литовченко (A), (10) Денис Лудцев, (15) Андрей Павленко, (66) Жавохир Расулов, (26) Александр Шевченко.