20 май 11:23
Янгиликлар

Шахмат

Жавоҳир Синдаров бугун Tepe Sigeman 2025 турниридаги иштирокини бошлайди

Бугун Швециянинг Мальмё шаҳрида шахмат бўйича кўзга кўринган гроссмейстерлар иштирокидаги нуфузли турнир старт олади.

Айлана тизимда ўтказиладиган ушбу нуфузли мусобақада ҳамюртимиз Жавоҳир Синдаров ҳам иштирок этади. Мамлакатимизнинг иккинчи рақамли шахматчисидан ташқари яна етти нафар гроссмейстер бош соврин учун баҳсларга киришади. Улар орасида ягона аёл гроссмейстер ҳам бор. Хитойлик Тань Чжунъи 16-жаҳон чемпиони ҳисобланади.

Барча иштирокчилар: Жавоҳир Синдаров (Ўзбекистон), Ричард Раппорт (Венгрия), Эрвин Л`Ами (Нидерландия), Рэй Робсон (АҚШ), Нилс Гранделиус (Швеция), Василий Иванчук (Украина), Ягиз Каан Эрдогмус (Туркия), Тань Чжунъи (Хитой)

Қуръа натижасига кўра, бугун 1-турда Жавоҳир Синдаров қора доналарда айнан Чин юрти вакиласи Тань Чжунъига қарши баҳс олиб боради. Бугунги 1-тур партиялари бизнинг вақт билан соат 18:00'да бошланади.