09 авг 12:58
Янгиликлар
Шахмат
Жавоҳир Синдаров: "Мен Гукешнинг энг кучли версиясига тайёрланяпман"
Номзодлар турнири ғолиби Жавоҳир Синдаров амалдаги Жаҳон тожи соҳиби ҳиндистонлик Гукеш Доммараджуга қарши кечадиган матч ҳақида гапирди.
"Фикримча, Гукеш жуда яхши ўйнамоқда. Менимча, унинг муаммоси шундаки, у яхши, ҳатто ютуқли позицияга эга бўлганда ҳам мувозанатни йўқотиб қўяди. Бунинг сабаби нимада эканини билмайман, лекин унинг партияларини кўрсангиз, у ҳақиқатан ҳам жуда яхши ўйнаётганига гувоҳ бўласиз.
Мен бунга унчалик эътибор бермайман. У жуда кучли шахматчи эканини биламан, чунки унга қарши ўйнаганимда буни ўзим ҳис қилганман. Мен Гукешнинг энг кучли версиясига тайёрланаман ва Жаҳон чемпионати матчида у ўзининг энг юқори формасида бўлади деб ҳисоблайман".
Маълумот учун, Гукеш Доммараджу ва Жавоҳир Синдаров ўртасидаги FIDE Жаҳон чемпионати-2026 баҳси 25 ноябрдан 15 декабрга қадар Швейцариянинг Женева шаҳрида бўлиб ўтади.
Ҳавола :
Манба : uzchess
Фикрлар