26 мар 11:45
Янгиликлар

Шахмат

Жавоҳир Синдаров Titled Tuesday турнири ғолиби

Ўзбекистонлик шахматчилар ҳафтанинг сешанба кунлари ўтказиб келинадиган Titled Tuesday онлайн турнирида мунтазам равишда иштирок этишади.

Қувонарлиси, кеча ўтган навбатдаги мусобақа Жавоҳир Синдаровнинг ғалабаси билан якунига етди. Ёш гроссмейстеримиз дунё шахмат юлдузлари қатнашган турнирда 11 имкониятдан 9,5 очко жамғариб, қўшимча кўрсаткичларга кўра 1-ўринни эгаллади.

Ҳиндистонлик таниқли гроссмейстер, амалдаги жаҳон чемпиони Гукеш Доммараджу иккинчи, америкалик Ҳикару Накамура учинчи ўринни банд этди. Жавоҳир Синдаров турнир давомида Магнус Карлсенни яна бир бор мағлуб этишни уддалади. Titled Tuesday турниридаги муваффақият ҳамюртимизга 1000 АҚШ доллари миқдоридаги мукофот пулини келтирди.