Жавоҳир Синдаров Titled Tuesday турнирида иккинчи бўлди

Ушбу мусобақанинг кечаги кунги баҳсларида иштирок этган Жавоҳир Синдаров иккинчи ўринни эгаллади. Ёш гроссмейтеримиз 11 имкониятдан 9 очко жамғариб, қўшимча кўрсаткичларга кўра иккинчи ўринни банд этди. 

Мусобақа ғолиблиги бу сафар 10 очко тўплаган польшалик гроссмейстер Ян-Криштоф Дудага насиб қилди. Кучли учликка америкалик Кристофер Ю якун ясаб берди. Ғолиб 1000 доллар пул мукофотини қўлга киритди. Синдаров 750, учинчи ўрин соҳиби 350 доллар ишлаб олди. 

Эслатиб ўтамиз, Жавоҳир Синдаров ўтган ҳафта Freestyle Chess Grand Slam турнирида 4-ўринни эгаллаган ҳамда 60 000 АҚШ доллари миқдоридаги пул мукофоти билан тақдирланган эди. Яна бир ҳамюртимиз Нодирбек Абдусатторов эса 40 000 долларга эга бўлганди.