Жавоҳир ва Бибисара куннинг энг яхшилари бўлишди + ФОТО

Ўн бир имкониятдан 9,5 очко тўплаган Жавоҳир Синдаров муддатидан аввал "Номзодлар турнири" чемпиони бўлиш баробарида Жаҳон тожининг амалдаги соҳиби ҳиндистонлик Гукеш Доммараджуга қарши ўйнаш ҳуқуқини қўлга киритди. 

Эътиборлиси, қозоғистонлик Бибисара Асаубаевада ҳам турнир чемпиони бўлиш имконияти юзага келди. У украиналик Катерина Лагнога қарши оқ доналарда ҳаракат қилиб, муҳим ғалабага эришди. Сўнгги тур олдидан Бибисара 7,5 очко тўплаган ҳолда турнир жадвалида ҳиндистонлик Рамешбабу Вайшали билан қўшҳокимлик қиляпти. 

Қизиғи, сўнгги кунларда кенг муҳокамаларга сабаб бўлаётган Жавоҳир Синдаров ва Бибисара Асаубаева кеча ўтказилган 13-турнинг "Энг яхши шахматчилари" (Player of the Day) деб топилди.