ЖЧ Ҳасанбой Дўсматов учун ҳаваскор боксдаги сўнгги чемпионатми? Тўлқин Қиличев жавоб берди

"Ҳасанбойни жангидан кўнглим тўлди. У профессор. Терма жамоамизнинг ақлли боксчиларидан бири. Унинг жангини томоша қилиб завқланасиз. Унга бурчакда кўп гапириш ҳам шарт эмас. У Олимпиада чемпиони. Ўз вақтида энг зўри бўлган. Ҳозир ҳам формасини қайта тиклади ва яна аввалгидек унинг чиқишларидан завқ оляпмиз. Чиройли жанг ўтказди, ортиқча куч ишлатиш ҳам шарт эмасди. Ўз маҳорати, мактаби билан оддий тарзда ғалаба қозонди. 

Иккинчи раунда бир ҳакам очколарни рақиб ҳисобига берди? Кимда бокс қандай бўлса, ҳакамлик ҳам шу даражада бўлади. Ҳакамларни ўзига яраша баҳолаш мезонлари бор. Биз уни ҳа деб қабул қиламиз.

Ҳасанбой учун бу ҳаваскор боксдаги сўнгги чемпионатми? Буни Дўсматовни ўзи ҳал қилади. Ҳозирча бу ҳақда нимадир дея олмайман. Сўнггиларидан бири бўлиши керак. Ёши ҳам ўтиб боряпти. Асосий мақсад - Олимпиада! Ҳозир у Ўзбекистонда энг кучлиси бўлса, нега уни Олимпиадага олиб бормаслигимиз керак. Энг зўри бўлса, албатта ҳали ҳаваскор боксда давом этади", - деди Қиличев.