ЖЧ. Учинчи кунда рингга чиққан иккала боксчимиз ҳам ишончни оқлади!

Бугунги кун доирасида икки нафар ҳамюртимиз рингга кўтарилди.

Кундузги дастурда:

1. - 71 кгда 1/32 финал жанги: Саиджамшид Жафаров - Тиаго Муханга (Мозамбик), (Ҳакамларнинг якдил қарори билан).

Кечги дастурда:

1. - 60 кгда 1/16 финал жанги: Марри Корр (Гамбия) - Мужибилло Турсунов, (2-раундда нокаут билан).

Шу тариқа, Жафаров 1/16 финал босқичига, Мужибилло эса нимчорак финалга йўл олди.

МАТНЛИ ТРАНСЛЯЦИЯ


18:37. НОКАУУУТ! Мужибилло рақибини муддатидан олдин енгди! Бу мазкур жаҳон чемпионатидаги илк эрта ғалаба бўлди, албатта ўзбек боксчилари ҳисобидан:)

18:35. Биринчи раунд якунига етди. Ҳамюртимиз бу раундда яққол устунликка эга бўлди, гарчи бўй устунлиги рақибида бўлса-да.

18:30. Турсуновнинг жанги старт олди. Ўша гап: ҳамюртимизга омад тилаймиз!

18:20. Мужибилло Турсунов жанги бошланишига бир неча дақиқалар қолди.

16:40. Энди икки соатлик танаффус эълон қиламиз. Мужибиллонинг жангида кўришгунча:)



16:37. Ғ-А-Л-А-Б-А! Саиджамшид ўзбекистонлик боксчиларнинг жаҳон чемпионатидаги муваффақиятли юришини давом эттирмоқда.

16:32. Иккинчи раунд ҳам якунига етди. Жафаров бу раундда ҳам устунлигини сақлаб қолди. Таъкидлаш жоиз, жанг ҳозирча очиқ курашлар остида кечмаяпти.

16:27. Илк раунд якунланди. Ҳаммаси зўр, кутилганидек. "Ғайра-ғайра, дам-ба, дам", буни аренадагилар яхши ҳис қилишади)

16:22. Демак, "Жимми" рингга чиқмоқда. Ҳамюртимизни қўллаб-қувватлаймиз, онлайн бўлса-да:)

16:05. Ассалому алайкум, қадрли бокс мухлислари! Жаҳон чемпионатининг учинчи кунидан ўрин олган жанглар давом этмоқда. Яна битта жангдан сўнг -71 кг вазн тоифасидаги ҳамюртимиз Саиджамшид Жафаров илк саралаш жангини ўтказади. Soon...