03 янв 11:17
Янгиликлар

Бокс/ММА

Жек Делла Маддалена UFC 327 турнирида октагонга қайтиши мумкин, рақиб ҳам аниқ

12 апрель тонгида АҚШнинг Флорида штати Майами шаҳрида рақамланган UFC 327 турнири ўтказилади.

Таниқли инсайдер Марсель Дорфнинг маълум қилишича, турнир доирасида ярим ўрта вазн тоифасининг австралиялик собиқ чемпиони Жек Делла Маддалена Бразилия вакили Карлос Пратесга қарши баҳс олиб боради.

Маддалена ноябрь ойида россиялик Ислам Махачевга очколар ҳисобига кўра имкониятни бой бериб, чемпионлик камаридан айрилганди. У ҳозирда рейтингнинг биринчи поғонасида турибди. Карлос Пратес эса UFC рейтингида олтинчи ўринни эгаллаб турибди.

Аввалроқ, UFC 327 турнири доирасида Доминик Рейес (АҚШ) — Жонни Уокер (Бразилия) жанги ташкил этилиши ҳақида хабар бергандик.