16 ноя 15:32
Янгиликлар

Бокс/ММА

Жейк Пол — Майк Тайсон жанги чипталари сотуви рекорд ўрнатди

Бугун АҚШнинг Арлингтон шаҳрида ўтказилган профессионал бокс кечаси бир нечта рекордларни янгилади.

Оқшомнинг марказий жанги 58 ёшли Майк Тайсон ҳамда таниқли блогер-боксчи Жейк Пол ўртасида ўтказилиб, унда 27 ёшли Пол очколар ҳисобига кўра ғалаба қозонганди. Ушбу жангни томоша қилиш учун аренага 70 мингдан зиёд томошабин ташриф буюрди. Жанг чипталари 17,8 миллион долларга сотилди. Бу профессионал бокс тарихидаги рекорд кўрсаткич ҳисобланади.

Техас штати учун эса бу кўрсаткич деярли икки баробарга кўп дегани. Сауль Канело Альварес ҳамда Билли Жо Сондерс ўртасидаги жанг чипталари 9 миллион долларга сотилган эди.