Жейк Пол ва Жервонта Дэвиснинг жанг учун гонорарлари маълум

Улар бу жанг учун кафолатлаган 10 миллион доллардан мукофот пули олишлади. Бироқ, боксчиларнинг якуний гонорарлари стриминг ҳуқуқларидан улуш ҳисобига сезиларли даражада ошиши кутилмоқда. Натижада Пол тахминан 50 миллион, Дэвис эса камида 30 миллион доллар ишлаб олади.

Манбаларга кўра, жангчиларнинг асосий даромади тадбирни трансляция қилиш ҳуқуқини қўлга киритган Netflix стриминг платформаси билан тузилган битимдан келиб чиқади. Жанг стандарт обуна бўйича хизматнинг барча обуначилари учун мавжуд бўлади ва қўшимча тўловни талаб қилмайди.

Шунингдек, ўзининг энг қимматли промоутерлик компанияси (МVP) орқали жанг промоутери бўлган Жейк Пол, кафолатланган 10 миллиондан ташқари, Netflix билан стриминг шартномасидан катта миқдорда пул олади, натижада у тахминан 50 миллион доллар ишлаб олади. Бу Дэвисга қарши жангни Полнинг фаолиятидаги энг даромадли жангга айлантиради. Бу унинг Майк Тайсон билан жанг учун 40 миллион долларлик гонораридан ошиб кетади.

Жервонта Дэвис, ўз навбатида, Netflix билан тўғридан-тўғри шартнома имзолади. Бу эса, промоутер Эдди Хирннинг сўзларига кўра, унга қўшимча 20 миллион атрофида даромад келтиради ва умумий даромадни камида 30 миллион долларга етказади (бошқа манбалар бу рақамни 40 миллион деб атамоқда). Аввалроқ Жервонтанинг энг катта гонорари 15 миллион долларни ташкил қилганди - у Райан Гарсияга қарши жанг учун айнан шунча ҳақ олганди.

Netflix’нинг бокс жангларига бўлган қизиқиши юқори рейтинглар билан боғлиқ. Жейк Полнинг 2024 йилда Майк Тайсонга қарши ўтган жанги ҳам платформада намойиш этилиб, 41 миллион томошабинни экран қаршисида тўплаган ва XXI асрнинг энг кўп томоша қилинган профессионал жангига айланганди.

Жейк Пол ва Жервонта Дэвис ўртасидаги жанг 14 ноябрь кунги бокс оқшомининг асосий воқеаси бўлади. Карддан тўртта чемпионлик жанги ҳам ўрин олган.