Жо Роган Ронга Роузига жавоб берди: "Тушунаман ва қабул қиламан"

Роган аёллар ўртасида собиқ UFC чемпионидан хафа эмас.

"У - афсона! Мен бу аёлга фақат муҳаббат ва ҳурмат билан қарайман. Унинг қилган иши ақлбовар қилмайди. Ронда аёллар ўртасидаги биринчи ҳақиқий супер юлдузга айланди. У UFC`да аёллар дивизиони мавжудлигини таъминлади. Дана Уайт ҳар доим аёлларга ҳеч қачон имзо чекмаслигини очиқ айтган. Унинг кўзини очиб: "Биласизми, менимча, бу аёл юлдуз" дейиши учун шундай ҳаракатчан ва ўзига хос шахс керак эди.

У мен ҳақимда шундай деганди: "У ҳеч қачон мутахассис бўлмаган". Ҳар ким ўз фикрига эга бўлиш ҳуқуқига эга, лекин нима учун у шундай деб ўйлаётганини тушуниш керак. Чунки унда чемпионлик менталитети бор. Уришмадингми, демак, ҳеч кимсан. Ҳаммаси жуда оддий. Мен буни тушунаман ва қабул қиламан", - деди UFC шарҳловчиси ўз подкастининг навбатдаги сонида.

Аввалроқ UFC’нинг энг енгил вазн тоифасидаги амалдаги чемпиони, ташкилотнинг аёллар ўртасидаги энг яхши жангчилари рейтингида етакчилик қилаётган Валентина Шевченко Жо Роганни ҳимоя қилиб, америкалик жанг санъатлари бўйича катта мутахассис, олижаноб инсон ва ёшлар учун яхши ўрнак эканини айтганди.