Жо Роган UFC’нинг асосий истиқболини айтди: "У ММА келажаги!"

Унинг айтишича, камерунлик ўрта вазн тоифаси вакили Атеба Готье аралаш яккакурашларнинг бўлажак супер юлдузи унвонига даъвогарлик қилади. 

"Бу Атеба Готье, камерунлик қўрқинчли йигит. У ўрта вазнда ҳаракат қилади, бўйи бир метру тўқсон сантиметр, юнон худоси каби тузилишга эга ва умуман ҳаммани ўз йўлидан суриб ташламоқда. Унинг барча рақиблари шунчаки учиб кетишди. Даҳшатли куч, ақл бовар қилмайдиган тезлик, ажойиб техника - барчаси унинг ёнида. Бунинг устига у жуда кучли. У ўз вазн тоифаси учун жуда катта ва ажойиб зарбага эга. Бу йигит - келажак. У ММАнинг келажаги", - деди Роган подкастининг навбатдаги сонида.

"Сокин қотил" лақабини олган 23 ёшли Атеба Готье ўзининг навбатдаги жангини 24 январь куни Лас-Вегасдаги UFC 324 турнирида "Шторм" мактаби вакили 28 ёшли россиялик Андрей Пуляевга қарши ўтказади.