Жо Роган Хабиб ва Ислам Махачевни солиштирди: "Ислам бошқа даража"

"Хабиб — барча замонларнинг энг буюк жангчиларидан бири. Бунда ҳеч қандай шубҳа йўқ. Лекин Хабиб билан Ислам ўртасидаги фарқ шундаки, Ислам тик ҳолатда элит даражада ишлайди. Хабибнинг зарба техникаси жуда яхши эди, аммо Ислам Волкановскини хай-кик билан нокаут қилди — бундай усул Хабиб арсеналида умуман йўқ эди.

Ислам — бутунлай бошқа даражада. У яна бир поғона юқори. У сени тик ҳолатда ҳам, партерда ҳам нокаут қилиши, бўғиб қўйиши, ерга ётқизиши мумкин. У ўз вазн тоифаси учун жуда катта. Бу ерда омиллар жуда кўп. Ҳатто тик ҳолатда ишлаётганингда ҳам, сен доим унинг кураши ҳақида ўйлаб турасан", — деди Роган.