14 июл 18:24
Янгиликлар
Теннис
Жокович - ESPYS 2023 мукофоти соҳиби!
Кеча АҚШнинг Лос-Анжелес шаҳрида ESPYS премияси, яъни йиллик мукофотини топшириш маросими бўлиб ўтди.
Ушбу мукофот спортда улкан ютуқларга эришиб келаётганларга топширилади. Ўз тарихида 31-маротаба ўтказилган бу йилги ESPYS мукофоти ғолиблари орасида Новак Жокович ҳам бор. Сербиялик овоз бериш жараёнида энг яхши теннисчи деб топилди.
Новак бу номинацияда испаниялик Карлос Алькараз, беларуслик Арина Соболенко ҳамда польшалик Ига Свёнтекни ортда қолдирди. Жокович Уимблдон турнирида иштирок этаётгани боис, совринни кейинроқ қабул қилиб олади. У бугун 1/2 финалда италиялик Янник Синнерга қарши кортга чиқади.
ESPYS талқини бўйича "Йилнинг энг яхши эркак спортчиси" номинациясида америкача футбол вакили Патрик Махоумс, "Йилнинг энг яхши аёл спортчиси" йўналишида эса тоғ чанғи спорти маликаси Микаэла Шиффрин ғолиб бўлди.
Ҳавола :
Манба : gotennis
Фикрлар