22 сен 07:44
Янгиликлар

Теннис

Жокович - Рим "Мастерс" чемпиони!

Италиянинг Рим шаҳрида "Мастерс" сериясига кирувчи нуфузли турнир якунланди.

Internazionali BNL d'Italia турнирининг ҳал қилувчи финал учрашувида сайёрамизнинг биринчи ракеткаси, сербиялик 33 ёшли Новак Жокович ATP рейтингининг 15-поғонасидан жой олган аргентиналик 28 ёшли Диего Шварцманга қарши кортга чиқди.

Бир соату 53 дақиқа давом этган учрашувда Жокович рақибини 7/5, 6/3 ҳисобларида мағлуб этиб, бош соврин соҳибига айланди. Ўзаро учрашувларда Новак ҳисобни янада йириклаштирди - 5:0. Internazionali BNL d'Italia турниридаги муваффақиятли иштирок Жоковичга 1000 рейтинг очкоси ҳамда 205,200 евро мукофот пулини тақдим этди.