13 июн 18:36
Янгиликлар

Теннис

Жокович ва Янкович кўргазмали учрашув ғолиби бўлишди

Сербия пойтахти Белград шаҳрида теннис бўйича кўргазмали учрашув бўлиб ўтди.

Унда сербиялик теннисчилар - Новак Жокович ва Елена Янкович ватандошлари Ненад Зимоньич ҳамда Ольга Даниловичга қарши кортга чиқишди.

Adria Tour кўргазмали турнири доирасидаги ушбу учрашув ғолиби бир сетда аниқланди. Тажриба бобида бироз устун бўлган Жокович ва Янкович рақибларини 7/6(6) ҳисобида мағлуб этишди.

Сербиялик юлдуз теннисчилар ўртасидаги учрашувни бевосита аренада мухлислар кузатиб боришди. Баҳс давомида Жокович мухлислардан коронавирус сабаб вафот этган сербияликлар учун сукут сақлашни сўради.