27 фев 10:10
Янгиликлар

Теннис

Жокович яна бир бор Laureus совринини қўлга киритиши мумкин

Дунёнинг биринчи ракеткаси Новак Жокович Laureus томонидан 2023 йилнинг энг яхши спортчиси бўлиш учун даъвогарлар сафига киритилди.

Сербиялик теннисчи ўтган мавсум Australian Open, "Ролан Гаррос", US Open ва Якуний ATP турнирларида бош совринни қўлга киритган эди. Уимблдон турнирининг финалида ўйнаган ва йилни ATP рейтинги пешқадами сифатида якунганди.

Унга йилнинг энг яхши спортчиси бўлишда футболчилардан Лионель Месси ва Эрлинг Холанд, енгил атлетикачилар Арман Дюплантис ва Ноа Лайлз ҳамда автопойгачи Макс Ферстаппен рақиблик қилади.

Таъкидлаш жоиз, Laureus совринининг амалдаги соҳиби Лионель Месси ҳисобланади. 2022 йилда ушбу соврин Ферстаппенга насиб этганди. Жокович эса 2012, 2015, 2016 ва 2019 йилларда Laureus совринини қўлга киритган.