06 ноя 22:18
Янгиликлар
Теннис
Жоковични таслим этган 19 ёшли Руне Париж "Мастерс" ғолиби бўлди
Франция пойтахти Париж шаҳрида теннис бўйича мавсумнинг сўнгги "Мастерс" турнири якунланди.
Ҳал қилувчи финал учрашувида дунёнинг 18-ракеткаси бўлиб турган даниялик 19 ёшли Хольгер Руне ATP рейтингида 7-ўринда бораётган сербиялик Новак Жоковични 3/6, 6/3, 7/5 ҳисобида таслим этди. Бу унинг фаолиятидаги илк "Мастерс" соврини бўлди.
Теннисчиларнинг ўзаро учрашувларидаги ҳисоб мувозанати ҳам тикланди - 1:1. Икки соату 33 дақиқа давом этган баҳсда Руне 6, Жокович 8 та эйс зарбани амалга оширган. Хольгер Новакнинг 13 та ғалабадан иборат сериясига чек қўйди.
Rolex Paris Masters турниридаги муваффақиятли иштирок Рунега 1000 рейтинг очкоси ҳамда 836,355 евро мукофот пули келтирди. Эртага эълон қилинадиган рейтингда у Топ-10да дебют қилади.
Ҳавола :
Манба : gotennis
Фикрлар