26 авг 12:51
Янгиликлар

Теннис

Жоковичнинг "Мастерс"даги юриши давом этмоқда

Сайёрамизнинг биринчи ракеткаси Новак Жокович Нью-Йоркда ўтказилаётган "Мастерс" сериясига кирувчи турнирнинг 1/4 финалига йўл олди.

Сербиялик теннисчи Western & Southern Open турнирининг учинчи даврасида рейтингнинг 55-поғонасидан жой олган америкалик Теннис Сандгренни мағлубиятга учратди - 6/2, 6/4. Бу Жоковичнинг кетма-кет қозонган 20-ғалабаси бўлди.

Бир соату 28 дақиқа давом этган баҳсда Новак 2, Теннис эса 7 та эйс зарбасини амалга оширди. Ўзаро учрашувларда Жокович 3:0 ҳисобида олдинга ўтиб олди. Энди Новак ярим финал чиптаси учун германияолик Ян-Леннард Штруффга қарши кортга чиқади.