Жон Жонс Емельяненко билан "Қизил майдон"да жанг қилиш ҳақидаги саволга жавоб берди

— Сен Оқ уйдаги UFC турнирида иштирок этмоқчимисан, тўғрими?

— Ҳа буни истардим, ҳозир шу йўналишда иш олиб боряпман.

— Агар бу турнир амалга ошмаса, менда бошқа вариант бор — Қизил майдонда жанг. Унда иштирок этмоқчимисан?

— Мен UFC билан узоқ муддатли шартнома тузганман. Шунинг учун, бу имкониятдан фойдалана олмайман.

— Агар биз Дана Уайт билан келишиб, сени Москвага олиб борсак, турнирга ўхшаш тадбир ташкил қилсакчи? Рақибинг Фёдор бўлади.

— Ҳеч ким мен билан Фёдор ўртасидаги жангни кўришни хоҳламайди. У билан жанг қилгим йўқ. Мен Фёдорни жуда яхши кўраман. У узоқ йиллар давомида менинг кумирларимдан бири бўлган. У — ҳақиқий афсона ва жуда яхши инсон”, — деди Жонс IBA.PRO бош директори Ал Сиеста билан суҳбатда.