20 май 09:17
Янгиликлар
Бокс/ММА
Жон Жонс: "Мени камаримдан маҳрум қилишади? Сизлар бошқа дарахтга қараб акиллаяпсиз"
Оғир вазн тоифасида UFC чемпиони Жон Жонс промоушенда актив эмаслиги ва бунинг натижасида камаридан маҳрум қилиниши мумкинлиги ҳақидаги гап-сўзларга муносабат билдирди.
Америкалик 38 ёшли чемпион унвонидан айрилишдан асло қўрқмаслигини айтди.
"Мени камаримдан маҳрум қилишади? Ха-ха, бу нарса мени ташвишга соладиган, бу нарсадан қўрқадиган одамга ўзшайманми? Сизлар ҳаммангиз бошқа дарахтга қараб акиллаяпсизлар", — дея ўзининг ижтимоий тармоқдаги саҳифасида хабар қолдирган Жонс.
Маълумот учун, Жонс сўнгги жангини 2024 йилнинг ноябрь ойида Нью-Йоркдаги UFC 309 турнири доирасида собиқ UFC чемпиони Стипе Миочичга қарши ўтказиб, ватандошини учинчи раундда техник нокаутга учратган эди. Бу Жон учун биринчи чемпионлик ҳимоя жанги бўлганди.
Ҳавола :
Фикрлар