11 апр 11:44
Янгиликлар

Бокс/ММА

Жон Жонс қайтиш масаласини ёпди

Теглар : UFC Жон Жонс

Икки вазн тоифасида собиқ UFC чемпиони Жон Жонс мухлислар ва мутахассисларни қизиқтирган мавзуга ўз баёноти билан нуқта қўйди.

"Қўлқопларимни михга илиб қўйдим. Ҳозир шунчаки дам оляпман. Бизнесмен Жон Жонс бор, энди жангчи Жон Жонс йўқ! Энди мен фақат тадбиркорлик билан шуғулланаман", - деди Жонс Red Corner MMA видеоблогида.

Аслида, 38 ёшли Жон Жонс ўтган йилнинг ёзида UFC`нинг оғир вазн тоифасидаги чемпионлик камарини расман бўшатиб, истеъфога чиққанини эълон қилган эди. Аммо икки ҳафтадан сўнг ташкилотнинг Оқ уй яқинида тарихий турнир ўтказиш режалари ҳақида билиб, допинг тестига қайтган эди.

Якунда Жонс ташкилот билан байрам тадбирида иштирок этиши ҳақида келиша олмади, чунки Алекс Перейра билан жанг учун 15 миллион долларлик гонорар уни қониқтирмади ва Лига раҳбари Дана Уайт бу музокаралар бўлганини умуман рад этди.

Жон Жонс 2024 йил ноябрь ойида Нью-Йоркдаги UFC 309 турнирида Стипе Миочичга қарши оғир вазн тоифасида чемпионлик камарини ҳимоя қилганидан бери октагонга чиқмаган эди.