Жон Жонс UFC'га қачон қайтиши ва эҳтимолий рақиби ҳақида гапирди

"Ҳозир мен 115 кг атрофидаман, ўзимни эса ажойиб ҳис қилмоқдаман. Мақсадим 122.5 кг вазн тўплаш. Жангга яқин эса 120.2 кгга тушаман. Мен нафақат техникали, балки энг кучли оғир вазндаги жангчи бўлишни ният қилганман. Айнан шу мақсад йўлида ишлашда давом этяпман. Мен жуда сабрлиман ва олдимда бир неча ой бор. 

Қачон жанг қилишимга келсак. Мен кейинги йилнинг иккинчи ярмини режалаштираяпман. Франсис Нгунну ва Сирил Ган ўртасидаги жанг ғолиби билан жанг қилган бўлардим. Аммо, Стипе Миочич варианти ҳам йўқ эмас. UFC қандай қарор қабул қилишини кутамиз. 

Нганну - Ган жангини интизорлик билан кутяпман. Иккала жангчи ҳам бир-биридан фарқ қилувчи бошқотирмалар. Франсис каттароқ юлдуз. Агар у ютқазиб қўядиган бўлса, унда мен каттагина пулдан қуруқ қоламан. Умуман олганда эса, менга фарқи йўқ, камарни олсам бўлди", - дейди Жон Жонс.

Эслатиб ўтамиз, Сирил Гап ва Франсис Нганну ўртасидаги жанг 2022 йилнинг илк рақамли турнирида ўтказилиши мумкинлиги ҳақида хабар қилинганди.