24 май 08:44
Янгиликлар

Теннис

Жўрабек италиялик теннисчини мағлуб этиб, чорак финалга чиқди

Украинанинг Ривне шаҳрида теннис бўйича “Фьючерс” туркумига кирувчи турнир давом этмоқда.

Соврин жамғармаси 15 000 АҚШ долларини ташкил қилувчи мусобақада истеъдодли теннисчимиз Жўрабек Каримов ҳам муваффақиятли иштирок этяпти. Ҳамюртимиз биринчи даврада турнирнинг биринчи ракеткаси украиналик Артём Смирновни 6:3, 6:2 ҳисобида таслим этганди.

Кеча Жўрабек иккинчи босқич учрашувида италиялик Андреа Бессиредан 6:2, 6:2 ҳисобида устун келди. Бугун Каримов чорак финал баҳсида украиналик Олег Долгошеевга қарши кортга чиқади. Теннисчимиз ATP рейтингида 504-ўринда бормоқда. 21 ёшли Долгошеев эса ҳеч қандай рейтинг ўрнига эга эмас.