Жўрабек Каримов Қатар турниридаги иштирокини тўхтатди

Соврин жамғармаси 15 000 АҚШ долларини ташкил қилувчи ушбу турнирда истеъдодли теннисчимиз Жўрабек Каримов ҳам иштирок этаётган эди. Ҳамюртимиз илк даврада қатарлик Жаббор Ал-Мутавадан устун келганди.

Афсуски, у иккинчи давра учрашувида мағлубият аламини тотиб кўрди. Жўрабек турнирнинг учинчи ракеткаси швециялик Маркус Эрикссонга қарши кортга чиқди. Икки соату 19 дақиқа давом этган баҳсда швед теннисчиси 5:7, 6:1, 6:3 ҳисобида зафар қучди.

Таққослаш учун, 19 ёшли Жўрабек Каримов дунё рейтингида 616, 28 яшар Маркус Эрикссон эса 314-ўринни эгаллаб турибди.