Жош Уоррингтон Лара билан трилогиядан олдин оралиқ жанг ўтказиши мумкин

Февраль ойида Уоррингтон фаолиятидаги биринчи мағлубиятини қабул қилиб, Лара томонидан тўққиз раундда нокаутга учратилган эди. Уларнинг реванш жанги ўтган дам олиш куни Лидсда бўлиб ўтди.

Аммо, иккинчи жанг икки раунддан сўнг тўхтатилди. Бошларнинг тўқнашуви натижасида Лара кўзидан жароҳат олди. Учинчи раунд бошланишидан олдин шифокор жангни тўхтатди. Учрашув техник дуранг сифатида якунланди.

30 ёшли Уоррингтон эртами-кечми рингга қайтмоқчи.

Аммо, Ларанинг жароҳати тўлиқ даволаниши учун қанча вақт кетиши ҳақида ҳеч қандай маълумот йўқ. У бир неча ойга сафдан чиқиши мумкин эди.

«Мен бироз тушкин ҳолатдаман ва Маурисио Лара билан жанг ҳаёли мени таъқиб қиладими, билмайман. Мен 30 ёшдаман ва етти ойдан буён жанг қилмагандим - бу жароҳат Ларани қачонгача четлатади? Мен Америкада жанг қилмай туриб чемпионлик камарларни бирлаштираман деб ўйлардим»,- деди Уоррингтон.

«Пандемия ва жароҳат бу воқеа содир бўлмаган деган маънони англатади, лекин мен уни енгиб ўтишни хоҳлайман. Аммо мен узоқ кута олмайман».

Уоррингтон оралиқ жанг ўтказишга тайёр, айниқса бу жанг АҚШда бўлса. Унинг промоутери Эдди Хирн унга америкадаги дебюти учун муносиб рақиб топиши керак эди.

«Мен ҳатто штатлардаги бўлажак дебютимда камар учун жанг қилмаган бўлардим, чунки менинг мухлисларим бунга лойиқ (Буюк Британиядаги мухлислар камар учун жангни томоша қилишга лойиқ)Таҳ. Оlamsport.com)», -деди Уоррингтон.