20 июл 10:43
Янгиликлар

Бокс/ММА

Жошуа - Поветкин: “Уэмбли”да матбуот анжумани ўтказилди

Лондон шаҳридаги муҳташам “Уэмбли” стадионида 22 сентябрь кунига белгиланган бокс кечаси олдидан илк матбуот анжумани бўлиб ўтди.

Оқшомнинг марказий жанги супероғир вазн тоифасида ўтказилиб, унда россиялик даъвогар боксчи Александр Поветкин (34-1, 24КО) WBA, WBO ва IBF йўналишлари чемпиони британиялик Энтони Жошуа (21-0, 20 КО)га қарши рингга кўтарилади.

Бўлажак жанг олдидан айнан марказий жанг иштирокчилари “Уэмбли” стадионида ўзаро тўқнаш келишди ва илк матбуот анжуманида иштирок этишди. Поветкин ўзи учун тақдим этилган имкониятдан максимал даражада фойдаланишга ҳаракат қилишини айтган бўлса, Жошуа муддатидан аввал ғалаба қозонишини таъкидлади.