Жошуанинг кечаги бахтсиз ҳодисадан кейинги ҳолати ҳақида маълумот берилди

"Энтони Жошуа ва яна бир йўловчи дарҳол Лагосдаги ихтисослаштирилган тиббий муассасага эвакуация қилинди. Кенг қамровли клиник текширувдан сўнг шифокорлар иккала беморнинг ҳам аҳволи барқарор ва шошилинч тиббий аралашувга муҳтож эмаслигини тасдиқлашди. Махсус тиббий гуруҳ тузилган, жароҳатланганлар назорат остида", дейилади BBC томонидан келтирилган баёнотда.

Аввалроқ хабар қилинишича, бахтсиз ҳодиса Лагос - Ибадан автомагистралида содир бўлган, ўшанда Жошуа ўтирган Lexus русумли автомобиль тўхтаб турган юк машинаси билан тўқнашган. Натижада машинанинг олд томонида ўтирган икки киши ҳалок бўлганди. Орқа ўриндиқда ўтирган Жошуа бахтли тасодиф туфайли омон қолганди. Вафот этганлар Энтонининг шахсий мураббийлари эди.