"Жошуанинг мағлубиятига мураббийлар сабабчи деб ўйламайман"

Собиқ жаҳон чемпиони Дэвид Хэй оғир вазн тоифасида WBA IBF WBO ва IBO йўналишлари чемпиони Александр Усикга қарши реванш жанги олдидан Энтони Жошуа мураббийини ўзгартириши керак эмаслиги ҳақида гапирди.

«Менимча, Жошуага янги мураббий керак эмас. Унинг Усикдан мағлуб бўлишига мураббийлар ёки жисмоний ҳолати билан шуғулланувчи мутахассислар сабабчи бўлганига шубҳа қиламан. Менимча, ҳаммаси ниятга боғлиқ. У Усикни нокаутга учратиш ниятида эмасдек туйилди. Жошуа ҳисоб орқали ғалаба қозонишга ҳаракат қилди. 

Бу унинг олдинги жангларида яхши самара берган. Жошуа Пулев билан жанг қилганида жуда кучли зарба билан уни нокаутга учратган эди. Бунгача Энди Руиз билан реванш жанги бўлиб ўтганди. Эҳтимол, Жошуа шунчаки бокс қилиш режимига ўтгандир.

Жошуанинг ҳаваскор боксдаги фаолияти қисқа бўлсада, жуда юқори даражада эди. У боксга келганидан сўнг қисқа вақт ичида Жаҳон чемпионати финалида жанг қилди.

Жошуанинг фаолияти жуда муваффақиятли ва ўзини узоқ масофали боксчи сифатида намоён қилди. Эҳтимол, у узоқ масофадан бокс тушиш керак деб ҳисоблар. Баъзан бу ўзини оқлайди, лекин баъзи рақиблар билан ҳаракатларини ўзгартириши керак », деди Хэй iFL TV билан интервьюда.