Жозе Моуринью нима сабабдан Туркияда ишлашга рози бўлганини тушунтириб берди

«Яна чемпионлик учун курашиш имконияти бўлгани сабабли ушбу жамоани бошқаришга рози бўлдим. «Рома»да бундай имкон йўқ эди. Улар билан А Серия ғолиблиги учун курашиб бўлмасди. «Рома»ни тарк этганимдан кейин у ерда ҳеч нарса ўзгармади. «Рома»да биз Еврокубокларда нисбий муваффақиятга эришдик, аммо чемпионлик учун кураша олмадик.

«Фенербахче» билан Еврокубокларда қандайдир натижа қайд этиш қийиндир, бироқ мамлакат чемпионлигини қўлга киритиш учун курашса бўлади. Туркияда ҳам чемпионлик учун курашадиган бир нечта кучли жамоалар бор, бу эса менга кўпроқ мотивация беради», — деди португалиялик мураббий.