06 мар 07:46
Янгиликлар
Бокс/ММА
Камару Усман Хамзат Чимаевнинг чемпионлик имконияти ҳақида гапирди
Гильберт Бернс устидан қозонилган ғалаба Хамзат Чимаевга чемпионлик йўлланмасини қўлга киритиш учун етарли эмас дейди ярим ўрта вазн тоифасида амалдаги UFC чемпиони Камару Усман.
«Бу йигит ҳали энг яхши 10 нафар жангчи билан жанг қилгани йўқ ва у ҳеч кимни мағлуб этмаган. Менимча, у чемпионлик жанги ҳақида гапиришдан олдин яна бир нечта жангчини мағлуб қилиши керак. Лекин, айтганимдек мен мусобақалашишни яхши кўраман. Қачонки у бунга тайёр бўлганда, биз у билан учрашамиз», — деди Усман.
Эслатиб ўтамиз, Гильберт Бернс ва Хамзат Чимаев ўртасидаги жанг 9 апрель куни Жексонвилдаги UFC 273 турнирида бўлиб ўтади. Камару Усман эса шу йилнинг ёзида Леон Эдвардсга қарши ўз чемпионлик унвонини ҳимоя қилиши мумкин.
Ҳавола :
Манба : championat.com
Фикрлар