Камбосос ва Хэйни мутлақ чемпионлик жанги ўтказиш учун келишиб олишди

Енгил вазн тоифасида WBА, WBО, IBF камарлари соҳиби Жорж Камбосос (20-0, 10 КО) ва WBC чемпиони Девин Хэйни (27-0, 15 КО) 5 июнь куни жанг ўтказишга рози бўлди. Бу ҳақда ESPN манбалари хабар бермоқда. Учрашув Мельбурндаги (Австралия) "Марвел" стадионида бўлиб ўтади. Жанг АҚШда ESPN телеканали орқали трансляция қилинади.

Эслатиб ўтамиз, Девин DAZN'да сўнгги олтита жангда иштирок этган, бироқ унинг промоутер Эдди Хирн билан шартномаси якунига этган.

Манбаларга кўра, 23 ёшли Хэйни "Тоp Rank" ва Лу Дибелла билан кўп жангли ҳамкорлик шартномасини имзолаган. Энди унинг жанглари кутилганидек ESPN учун эксклюзив бўлади. Нашрнинг ёзишича, агар Хэйни ғалаба қозонса, келишув реванш ўтказиш бандини ўз ичига олади. Камбосос ютқазиб, ҳуқуқидан фойдаланса, реванш жангги ҳам Австралияда бўлиб ўтади. Америкалик мағлуб бўлса ҳам, унинг кейинги жангини Тоp Rank ва Дибелла биргаликда ташиллаштиради.