26 фев 08:51
Янгиликлар

Теннис

Камилла Раҳимова дунёнинг 76-ракеткасига қарши кортга чиқди

Ўзбекистоннинг биринчи ракеткаси Камилла Раҳимова АҚШнинг Остин шаҳрида ташкил этилаётган турнирдаги иштирокини чиройли ғалаба билан бошлаганди.

Вакиламиз WTA 250 тоифасига кирувчи ушбу турнирнинг биринчи босқичида дунёнинг 65-ракеткаси, мусобақада 6-рақам остида таснифланган венгриялик Анна Бондарни 6/3, 7/5 ҳисобида мағлубиятга учратганди.

Афсуски, Раҳимова 1/8 финалда WTA рейтингида 76-поғонада бораётган россиялик Оксана Селехметьевага имкониятни бой бериб, турнирдаги иштирокини якунлади. Тўқсон олти дақиқа давом этган баҳсда Селехметьева 6/2, 7/5 ҳисобида зафар қучди.

Таққослаш учун, 24 ёшли Камилла Раҳимова WTA рейтингида 92-ўринни эгаллаб турибди. Бу теннисчиларнинг ўзаро ўтказган тўртинчи учрашуви бўлди - 2:2. Камилла 1, Оксана 3 та эйс зарбасини амалга оширди. Қўшхатолар ҳам, брейклар ҳам мос равишда 1 га ва 3 га 6 нисбатида Селехметьева фойдасига бўлди.