Камилла Раҳимова Эмма Радукануга қарши кортга чиқди

Мусобақада мамлакатимизнинг биринчи рақамли ракетка устаси Камилла Раҳимова иштирок этаётгани ҳақида хабар бергандик.

Камилла бугун чорак финал доирасида британиялик теннисчи Эмма Радукануга қарши кортга чиқди. Дунёнинг 42-ракеткасига қарши баҳсда Раҳимова 3/6, 5/7 ҳисобида имкониятни бой берди.

Эслатиб ўтамиз, Камилла Раҳимова мусобақанинг саралаш босқичи ҳал қилувчи финал учрашувида дунёнинг 54-ракеткаси, саралаш турнирида биринчи рақам остида таснифланган германиялик Татьяна Марияга мағлуб бўлганди. Шунга қарамай, у кейинчалик "лаки лузер" (омадли мағлуб) сифатида асосий тўрдан жой олиб, тўғридан-тўғри нимчорак финал босқичига йўл олди ва турнирнинг 1/8 финалида британиялик теннисчи, дунё рейтингида 160-ўринни эгаллаб турган Хэрриет Дарт устидан ғалаба қозонди.