Канело Альварес ва Жейк Пол энг кўп маош оладиган Топ-50 спортчи қаторига кирди

Бунга фақат икки нафар яккакураш олами вакили – боксчилар Сауль "Канело" Альварес ва Жейк Пол ўз ҳиссасини қўшди.

Умумий гонорари 170 миллион доллар бўлган мексикалик афсона Сауль Альварес Forbes рўйхатида иккинчи ўринни эгаллади. Банк ҳисобини 70 миллион долларга тўлдирган америкалик блогер-боксчи Жейк Пол эса 23-ўринни банд этди.

Тўртинчи йил кетма-кет энг кўп маош олувчи спортчи жаҳон футболи юлдузи португалиялик Криштиану Роналду бўлди, у ўз бойлигини бир йил ичида 300 миллион долларга оширди.

Сауль "Канело" бир йилда иккита жанг ўтказди - кубалик Уильям Скуллни ҳакамларнинг якдил қарори билан мағлуб этди, иккинчи ўрта вазн тоифасида мутлақ жаҳон чемпиони унвони учун жангда эса америкалик Теренс Кроуфордга ютқазди.

Жейк Пол ҳам ўтган йили иккита жангда рингга кўтарилди - мексикалик кичик Хулио Сезар Чавесни очколар бўйича мағлуб этди, олтинчи раундда британиялик Энтони Жошуага нокаут билан ютқазди.

Яқинда Most Valuable Promotions промоутерлик компаниясининг ҳаммуаллифи ҳисобланган Жейк Пол Сауль "Канело2 Альварес билан дастлабки музокаралар ўтказганини ва агар мексикалик у билан рингни бўлишга рози бўлса, унга 200 миллион доллар тўлашга тайёрлигини маълум қилди.