Канело Биволдан сўнг Головкин билан жанг қилади

Таниқли бокс инсайдери Майк Коппинжернинг сўзларига кўра, Геннадий Головкин трилогия учун рози бўлган. Қозоқ боксчисининг промоутери Эдди Хирн ҳам худди шу маълумотларни тасдиқлади.

Хирннинг сўзларига кўра, гап бир нечта жанглар бўйича музокаралар кетмоқда. Канелонинг навбатдаги жанги сентябрга белгиланган. Бу юқори эҳтимоллик билан 76,2 кг вазнда қозоғистонлик Геннадий Головкинга (41-1-1, 36 КО) қарши барча камарлар ҳимояси бўлади.

Канело - Головкин трилогияси бўлиб ўтиши учун мексикалик Биволни, қозоғистонлик эса япониялик Рёта Муратани(тахминан апрель ойида) мағлуб этиши керак.

ESPN хабарига кўра, Канело ва Хирн ўртасида 160 миллион долларлик 3 та жангдан иборат шартнома бор. Мексикалик учинчи жангини декабрь ойида ўтказиши кутилмоқда. Потенциал рақиб ҳозирча номалум.