Канело яримоғир вазндаги энг кучли жангчи кимлигини айтди

Иккинчи ўрта вазн тоифасида мутлақ жаҳон чемпиони Сауль "Канело" Альварес яна бир бор нима учун навбатдаги рақиб сифатида яримоғир вазнда WBA чемпиони Дмитрий Биволни танлагани ҳақида гапирди. 

Яқинда Альварес Эдди Хирн ва DAZN билан май, сентябрь ойларида иккита: Бивол ва Геннадий Головкин билан жанг ташкиллаштириш бўйича келишувга эришилганини айтганди. 

"Биволни танладим, сабаби у яхши жанг қилади. Фикримча, у яримоғир вазндаги энг зўри ва ва у рингда менга яхши қаршилик кўрсата олади. Мен ўз фаолиятимни тарихга мухрламоқчиман, у билан жанг — бунинг учун яхши имконият.

У ҳақиқақатда яхши жангчи. Мен унинг жангларини кўп марта томоша қилганман. У ҳақиқатдан ҳам кучли. У рингда нима қилиш кераклигини билади. Уни ҳаваскорлар боксида анчагина тажрибаси бор. Мен унинг нималарга қодирлигини биламан, лекин бу муҳими эмас. Мен фаолиятимнинг чўққисидаман ва кўп нарсага қодирман", - дея журналистнинг саволига жавоб берган эди Альварес.

Шунингдек, Альваресдан бу йил у билан жанг қилмоқчи бўлган боксчилар бўйича маълумот беришни сўрашди, гарчи исм-шарифлар айтилмаган бўлса-да, Альваресга Premier Boxing Champions томонидан Жермалл Чарло ва Девид Бенавидес билан жанг ўтказиш таклиф қилинган.

"Бандман, жуда бандман, шунинг учун кечирасиз. Айтганимдек, улар пул учун жанг қилади, буни биламан, лекин тушунмайман, нима учун улар бир-бири билан жанг қилмайди? Улар бир-бири билан жанг қилиши керак, мен эса ғолиб билан жанг қиламан. Менга ғолиб ким бўлишининг фарқи йўқ", - дея қўшимча қилган мексикалик боксчи.