05 фев 16:03
Янгиликлар

Футбол

Кантедан кейинги шов-шувли қадам: "Фенербахче" юлдуз форвардни нишонга олди

"Фенербахче" трансфер бозорида Н'Голо Кантени таркибга қўшиб олганидан кейин ҳам суръатни пасайтирмади ва ҳужум чизиғини фаол равишда кучайтиришда давом этмоқда.

Туркия гранди уругвайлик ҳужумчи Дарвин Нуньес бўйича "Ал Ҳилол" клубига расмий таклиф йўллади.

Гап 26 ёшли ҳужумчини 6 ойга ижарага олиш ҳақида кетмоқда. Журналист Серкан Ҳамзаўғли маълумотларига кўра, Истанбул клуби раҳбарияти музокараларни тезкор якунлаб, келишувни яқин вақт ичида расмийлаштиришни режалаштирмоқда.

Нуньес ушбу мавсум клуб даражасида 22 ўйинда иштирок этиб, 7 та гол ва 5 та голли узатма муаллифи бўлди ҳамда жамоасининг асосий футболчиларидан бири бўлиб қолмоқда.

Агар "Ал Ҳилол" билан келишувга эришиб бўлмаса, "Фенербахче" муқобил сценарийга ўтишга тайёр — клуб шорт-листида Италиянинг "Рома" жамоаси ҳужумчиси Артём Довбик ҳам бор.