30 май 13:20
Янгиликлар

Теннис

Карлос Алькараз "Ролан Гаррос" учинчи даврасига йўл олди

Дунёнинг учинчи ракеткаси Карлос Алькараз Париж шаҳрида давом этаётган "Катта Дубулға" туркумига киручи Франция Очиқ чемпионатининг учинчи давра иштирокчисига айланди.

Испаниялик теннис юлдузи иккинчи даврада ATP рейтингида 176-поғонадан жой олган нидерландиялик Йеспер Де Йонгни тўрт сет натижасига кўра мағлубиятга учратди - 6/3, 6/4, 2/6, 6/2. Бу теннисчиларнинг ўзаро ўтказган илк учрашуви бўлди.

Уч соату 9 дақиқа давом этган баҳсда иккала теннисчи ҳам 2 тадан эйс зарбасини амалга оширган. Қўшхатолар Йесперда кўпроқ бўлди - 7 га 2. Алькараз 8, Де Йонг 5 та брейкка эришган.